Настаўнікі Дзяржынскага раёна атрымалі цудоўную магчымасць наведаць Шчомысліцкую сярэднюю школу, пераняць эфектыўны педагагічны вопыт Марыны Леанідаўны.

Сустрэча пачалася з прывітальнай прамовы дырэктара Марата Васільевіча Касцяневіча, намесніка дырэктара па вучэбнай рабоце Людмілы Іванаўны  Лапко. Удзельнікаў мерапрыемства прыемна ўразіла ігранне на дудачцы,  танец “Ручнік”, словы-віншаванні, падрыхтаваныя вучнямі ўстановы.

Надзвычай карыснымі былі арыгінальныя метады і прыёмы актывізацыі пазнавальнай дзейнасці навучэнцаў, заданні для інтэрактыўнай дошкі, займальныя практыкаванні. Падчас семінара педагогі пазнаёміліся з дзейнасцю рэсурснага цэнтра па беларускай мове і літаратуры, вучэбнага кабінета, паэтычнага гуртка “Першыя промні”, даследчай работай пра беларускія ручнікі, праектам “Па слядах графаў Чапскіх”, пагарталі старонкі літаратурнага альманаха “Гэта – мы”, відэачасопіса “Мысліца”.

Настаўнікі-філолагі ад душы прамовілі:

Хоць вакол снягі і вецер,

Ды ў сэрцы ў нас – цяпло сустрэчы.

Святло пазнання,

І мударсць плёну, і прызнанне…

Настаўнік песціць думкі вучняў,

Настаўнік песціць душы вучняў.

Аддаць сябе любімай справе

І не скарыцца хуткай славе.

Падарыць натхненне словам

І жыццё расквеціць мовай.

Удзячны Вам за ўсё бясконца.

Няхай жа лёс расквеціць сонцам

І шчасце будзе век бяздонным,

Як мовы роднай зык,

Дарогу асвеціць ручнік.

Смотреть фотогалерею>>>