З цёплымі словамі віншавання, удзячнасці звярнуўся да жанчын начальнік аддзела адукацыі, спорту і турызму Вацлаў Іванавіч Матусевіч. “Маці заўсёды жадае дабра, ад душы радуецца за нас. Малітвы маці моцна дапамагаюць у жыцці, спрыяюць поспехам і дасягненням”, – падкрэсліў Вацлаў Іванавіч. Па-сапраўднаму сагрэлі сэрцы супрацоўніц аддзела ўзнагароды – Падзякі начальніка. Кранула ўдзельнікаў мерапрыемства віншавальная прамова намесніка начальніка Галіны Уладзіміраўны Гапаньковай. Галінай Уладзіміраўнай пранікнёна зацытаваны радкі класіка беларускай літаратуры – Цёткі:

Я глянуў на кветкі: аж братня завяла,

Шчырага друга пад плесняй ляжала,

Адна толькі кветка, як сонца, цвіла:

Бо моцна любіла матуля адна...

З найлепшымі пажаданнямі выступіў старшыня райкама прафсаюза работнікаў адукацыі і навукі Аляксандр Мікалаевіч Ляўко.

Неардынарны падарунак  фотапраект – “Я – мама”– прапанавалі маладыя спецыялісты Алёна Сяргееўна Шабар і Марына Аляксандраўна Касіловіч.  Падтрыманню прыўзнятага настрою аўдыторыі садзейнічалі музычныя кампазіцыі, прафесійна выкананыя інжынерам-энергетыкам групы цэнтралізаванага гаспадарчага абслугоўвання ўстаноў адукацыі Віктарам Паўлавічам Журліцыным.

Усе прысутныя атрымалі асалоду ад шчырай, нязмушанай атмасферы, канцэрта, падрыхтаванага вучнямі гімназіі №1 г.Дзяржынска, – харэаграфічных нумароў, літаратурных замалёвак, харавога выканання. І запомніліся словы песні: “Мама! Будзь заўсёды са мною побач”.

Глядзець фотагалерэю>>>