Дзень ведаў – гэта свята кніг, сяброў, усмешак, кветак, першага званка.
Па добрай традыцыі ў дзяржаўнай ўстанове адукацыі “Станькаўская сярэдняя школа імя Марата Казея” на лінейку сабраліся настаўнікі, вучні, іх бацькі, госці. Усё было ўрачыста і святочна: упэўненыя выпускнікі і крыху збянтэжаныя першакласнікі, словы віншавання і пажадання поспехаў ад дырэктара школы Абразцовай Ірыны Аляксандраўны, начальніка аддзела ЗАГС Дзяржынскага райвыканкама Аношка Кацярына Сяргееўна, старшыні сельвыканкама Даўгалапцевай Наталлі Іванаўны, намесніка начальніка аддзела адукацыі, спорту і турызму Дзяржынскага райвыканкама Гапаньковай Галіны Уладзіміраўны, ганаровыя граматы і падарункі.
Затым ўсе разышліся на свае першыя самыя важныя ўрокі: “Беларусь – мая Айчына!”, “Дзякую лёсу, што жыву ў адным з лепшых раёнаў Беларусі”. А вучні 8 і 9 класаў наведалі Беларускі дзяржаўны архіў кінафотафонадакументаў. Рахманько Таццяны Леанідаўны, загадчыка аддзела выкарыстання дакументаў і інфармацыі, не толькі падзялілася цікавымі звнсткамі пра тое, як архіў захоўвае сваё багацце,але і правяла адкрыты тэматычны ўрок.
Свята 1 верасня — пачатак навукі і клопату, працалюбства і здзяйснення мар, чарговы крок па цікавай і поўнай адкрыццяў школьнай дарозе.
Бацькі, вучні і педагогі! Са святам мы віншуем Вас. Высокага палёту і размаху крылаў.